Almatyǵa ýly zatty shamadan tys bóletin júk kólikteri kirgizilmeıdi
ALMATY. QazAqparat - Almatyǵa kireberiste jańartylǵan ekopostar jumys isteı bastady. Sońǵy jeti aıda tekserilgen kólikterdiń 2226-nda zııandy zat normasynan asyp ketkeni anyqtaldy. Bul týraly Almaty qalasy jasyl ekonomıka basqarmasynyń basshysy Natalıa Lıvınskaıa onlaın brıfıng barysynda aıtty, dep habarlaıady QazAqparat tilshisi.
«Almatyǵa kireberiste jańartylǵan ekopostar jumys isteı bastady. Qalada bes ekopostt jáne bir mobıldi ekopatrýl bar. Olar arnaıy qondyrǵylarmen: gaz analızatorymen jáne opasımetrmen jabdyqtalǵan. Barlyq bekette kezekshi ekologııalyq operatorlar men jerigilikti polıtsııa qyzmeti jumys isteıdi. Almaty qalasynyń ekologııalyq jaǵdaıyn jaqsartý úshin júk kólikterin, mamandandyrylǵan jáne qurylys tehnıkalaryn paıdalanylǵan gazdardyń ýyttylyǵy boıynsha tekserý kúsheıtildi»,- dedi ol.
Sonymen qatar, ol ekologııalyq normaǵa saı kelmeıtin kólik ıelerine aıyppul salynantynyn aıtty
«Barlyq ekopost ar men mobıldi ekopatrýldi paıdalaný kezinde 60 myń ólshem birligi jasaldy. 2020 jyldyń qarashasynan 2021 jyldyń mamyryna deıin 2265 avtokólikte shamadan tys nátıje tirkelgen. Ekologııalyq normaǵa saı kelmeıtin kólik ıelerine alǵashynda eskertý jasalady, ekinshi ret ustalsa aıyppul salynady. Sondaı-aq qazir ýly zatty shamadan tys bóletin júk kólikteri qalaǵa kirgizilmeıtin boldy»,- dedi Natalıa Lıvınskaıa.
Onyń aıtýynsha, qalaǵa kireberiste burynnan kele jatqan on ekopost jáne jaqynda ashylǵan alty beket jumys istep tur.
Aldaǵy ýaqytta olardyń sany 19-ǵa deıin jetpek.
