«Almatyǵa tasqyn astynda qalý qaýipi tónip tur» - respýblıkalyq basylymdarǵa sholý
ASTANA. Aqpannyń 26-sy. /QazAqparat/ - Qazaq aqparat agenttigi respýblıkalyq basylymdarda aqpannyń 26-sy, juma kúni shyqqan ózekti materıaldarǵa sholýdy usynady.
***
Keshe Bas Prokýror Qaırat Mámıdiń tóraǵalyq etýimen Qazaqstan Respýblıkasy quqyq qorǵaý organdarynyń úılestirý keńesiniń kezekti májilisi bolyp ótti. Atalǵan is-sharaǵa oraı «Egemen Qazaqstan» gazetiniń jumalyq sanynda «Úılestirý keńesiniń úılesimdi isi» degen taqyryppen maqala jarııalandy. Basylymnyń jazýynsha, májilisti ashqan Bas Prokýror Qaırat Mámı Memleket basshysy daǵdarysqa qarsy bólingen qarajattyń zańdy ári tıimdi jumsalynýyna qatań baqylaý ornatý týraly quqyq qorǵaý organdary aldyna úlken mindet qoıǵandyǵyn atap ótken. «Óıtkeni, Ulttyq qor qarjysynyń jumsalýy halyq úshin qashanda ashyq ári túsinikti bolýy kerek. Bul tapsyrmany oryndaý maqsatynda quqyq qorǵaý organdary "Samuryq-Qazyna" qorymen jáne basqa da holdıngtermen birlesip birqatar jumystar atqardy. Nátıjesinde osy ýaqytqa deıin bólingen qarjy talan-tarajǵa salynbaı belgilengen maqsattarǵa saı jumsaldy. Árıne, bul baǵytta is-sharalardy áli de jalǵastyra berý qajet. Sondyqtan da Úılestirý keńesinde osy máselelerdi odan ári pysyqtaý kózdelgen», depti Q.Mámı. Basylymnyń keltirgen derekterine qaraǵanda, ótken jyly memleket ulttyq ekonomıkany qoldaýǵa teńdessiz sharalar qabyldap, osy maqsatta Ulttyq qor qarjysynan 1 trıllıon 200 mıllıardtan astam teńge bólgen.
«Egemen Qazaqstan» gazetiniń búgingi sanynda QR Parlamenti Senaty Tóraǵasynyń orynbasary Muhambet Kópeevtiń «Qazaqstannyń qaryshty qadamdary» degen taqyryppen kólemdi maqalasy jarııalandy. Ol maqalasynda elimizdiń táýilsizdik alǵan alǵashqy jyldaryna, 1997 jyldan bastap dástúrge aınalǵan jyl saıynǵy Elbasynyń Joldaýlaryna sholý jasaı kelip, aǵymdaǵy jylǵy Joldaýǵa keńinen toqtalǵan. «Qazaqstan halqyna arnaǵan sózin aıaqtaı kele Nursultan Nazarbaev bylaı dedi: "Biz birlese otyryp Qazaqstandy tabysty el ete aldyq jáne birlesip ony órkendi elge aınaldyra alamyz". Memleket basshysy alǵa qoıǵan mindetterdiń bári dál burynǵydaı sheshimin tabatynyna eshqandaı kúmán joq jáne bizdiń Otanymyz - bizdiń týǵan Qazaqstanymyz álemniń ozyq memleketterimen bir qatarda turatyn bolady», dep túıindeıdi maqalasyn Senat Tóraǵasynyń orynbasary.
Osy gazettiń dástúrli «Úkimet» aıdarynda «El taǵdyry kásipkerler qolynda», «Elektrondy úkimettiń kókjıegi», «Básekege qabilettilik kepili» degen taqyryptarmen birneshe maqala toptamasy jaryq kórdi. El Úkimetiniń atqaryp jatqan aýqymdy isterinen qulaǵdar bolǵyńyz kelse, basylymnyń juma kúngi nómirine nazar salyńyz.
Kúni keshe elorda tórinde tusaýy kesilgen «Qazaqtyń dástúrli 1000 kúıi» atty antologııa jaıynda «Egemen Qazaqstan» gazetiniń aıqara betinde «Kúı oınaıdy qazaǵymnyń qanynda» degen ortaq taqyryppen birneshe maqala jarııalanyp otyr. bul betten «Kúı - kóne zamandardan kúni búginge deıin halqymyzben birge jasasyp kele jatqan eń kıeli de qasterli, syrly da sulý óner.
Ult mádenıetiniń arǵy-bergi tarıhyn zerttep, júıelep, búgingi jas urpaqtyń kádesine jaratý jáne ony álemdik deńgeıde nasıhattaý maqsatynda jasalǵan "Mádenı mura" memlekettik baǵdarlamasy aıasynda "Qazaqtyń dástúrli 1000 kúıi" jobasynyń júzege asyrylýyn ulttyq mýzyka tarıhyndaǵy eleýli oqıǵa dep baǵalaımyn», dep jazǵan QR Prezıdenti N.Nazarbaevtyń atalmysh antologııadaǵy alǵysózimen, elimizdiń birqatar mádenıet qaıratkerleriniń oı-pikirlerimen, tusaýkeser rásimniń ótý barysyn tolyq qamtyǵan maqalamen de egjeı-tegjeıli tanysa alasyzdar.
Antologııanyń tusaýkeser rásimine arnalǵan kólemdi maqalany «Alash aınasy» basylymynan da oqı alasyzdar.
***
«Alash aınasy» gazetiniń búgingi nómirinde «Raqyshevtyń qııaly» atty maqala jaryq kórdi. Osyǵan deıin «Jaraly sezim», «Meniń de atym - Qoja», «Jetimder», «Astanaǵa kóktem kesh keledi» syndy fılmderdi dúnıege ákelip, qazaq rejısserlary tarapynan synǵa ushyrap kele jatqan rejısser Erkin Raqyshevtyń jańadan tusaýy kesilgen bul kınosyndaǵy basty ıdeıa jalpy halyqty, ásirese eliktegish jastardy aldymen týǵan tilin qasterlep, óz ultynyń rýhanı qundylyqtaryn baǵalaýǵa úndeý bolyp tabylady. Sol bıik maqsatty qalaı júzege asyrýǵa bolatynyn rejısser bul joly taza qııalmen kórsetkisi kelipti. Jumyr basty pendeniń barlyǵynyń da máńgi ómir súrgisi keledi ǵoı, sondyqtan qazaqtyń ózinen bastap, amerıkalyqqa da, qara násilge de, qytaıǵa da, bárine de jan kerek bolsa, qazaq tiline kóshýge májbúr bolady dep, osal tusynan ustaıdy. Sóıtip, Barak Obama da, onyń ońaılyqpen ılikpes jurty da qazaqshaǵa sýdaı aǵyp, tipti AQSh-tyń memlekettik tili etip qazaq tilin alady. «Ushqyr qııalǵa tánti bolmasqa shara joq. Alaıda aıtar kemshiligimiz ben taǵar aıybymyz da - sol baıaǵy kásibı kınonyń aýylynan alystyǵy. «Kelin» úshin Ermek Tursynovty jerden alyp, jerge salsaq ta, onyń fılmderiniń kásibıligin osy tusta moıyndaýǵa májbúrmiz. Kez kelgen álem ekranynan uıalmaı kórsetýge laıyq. Jaraıdy, bul áýesqoı rejısserdyń halyq úshin túsirgen kınosy dep qaraıyq, alaıda shıkiligi sonda da bar: qazaqshaǵa úndep turǵan fılm keıipkerleriniń ózi qazaqshany qalalyq aktsentpen sóıleıtindigi, ásirese jýrnalıst bolyp suraq qoıyp otyrǵan qyzdardyń tili», dep jazady basylym.
«Almatyǵa tasqyn astynda qalý qaýpi tónip tur». Osy taqyryppen «Alash aınasy» gazetinde kólemdi maqala basyldy. «Jaýyn-shashyndy kúnderdiń saldarynan Almaty oblysynda sý astynda qalǵan úılerdiń qatary qazirdiń ózinde 100-den asyp ketti. Qaýip basqa eldi mekender men Almaty qalasy turǵyndaryna da tónip tur», dep jazady basylym. Maqalada aıtylǵan jaıttardan basylymnyń juma kúngi nómirinen tolyq maǵlumat alýyńyzǵa bolady.
Osy taqyrypty odan ári qaýzaǵan «Komsomolskaıa pravda Kazahstan» gazeti «Tabıǵattyń tosyn minezi Almaty oblysynyń 6 myńnan astam turǵynyn úıin tastap shyǵýǵa májbúr etti», dep jazady. Oblystyń kóptegen aýyldarynyń turǵyndary jaýyn-shashyn men qardyń erýi saldarynan turǵylyqty mekenderinen qonys aýdarýǵa májbúr bolyp otyr. Keıbir jerlerde joldar men kópirlerdi sý shaıyp ketken. Almaty oblystyq tótenshe jaǵdaılar departamentiniń málimetterine qaraǵanda, Іle jáne Jambyl aýdandarynyń turǵyndary sý saldarynan kóp zardap shekken.
«Alash aınasy» gazetiniń dástúrli «Oı-kókpar» aıdarymen qoıylǵan saýaly - «Memleket jer satýdan paıda kórdi me?». Atalǵan saýalǵa jaýap bergen Májilis depýtaty Uzaqqalı Eleýbaev jer satýǵa baılanysty óz oıyn «bul saıası turǵydan alǵana durys sheshim boldy. Jer satylady degenmen, onyń ózindik shegi bar» deı kelip, jer satýdan utpasaq, utylmaımyz degen pikirin bildirgen. Al qoǵam qaıratkeri, pýblıtsıst Serik Erkeǵalı «Jer satýdan el bıýdjetine aıtarlyqtaı qor jınalyp, memleket paıda tapty dep aıta almaımyn. Óıtkeni ondaı tolaıym tabys bolsa, tıisti oryndarda otyrǵan sheneýnikter alaqaılap áldeqashan aıqaı salǵan bolar edi», deıdi. Elge tanymal eki azamattyń jaýaptaryn tolyq oqyǵyńyz kelse, basylymnyń búgingi nómirine nazar salyńyz.
***
«Keshe Prezıdent Ákimshiligi Basshysynyń orynbasary Máýlen Áshimbaevtyń tóraǵalyǵymen Bilim jáne ǵylym mınıstrligi men Mádenıet jáne aqparat mınıstrligi janyndaǵy qoǵamdyq gýmanıtarlyq ınstıtýttar dırektorlarynyń qatysýymen keńes bolyp ótti», dep jazady «Kazahstanskaıa pravda» gazeti.
Basylymnyń jazýynsha, keńes barysynda 2009 jyldyń qazanyndaǵy ınstıtýt qyzmetin tekserý qorytyndylary talqylanyp, Memleket basshysynyń ǵylymı qyzmetti modernızatsııalaý jónindegi tapsyrmalardy oryndaý turǵysyndaǵy perspektıvalar naqtylanǵan.
Bul keńes «Egemen Qazaqstan» gazetiniń de nazarynan tys qalmaǵan.
«Keshe Kıevte eldiń jańa prezıdentiniń ınaýgýratsııasy ótti. Taıada ǵana saılanǵan Vıktor ıAnýkovıch derjavalyq kúrzini qolyna alyp, táýelsiz Ýkraınanyń tórtinshi prezıdenti boldy», dep habarlaıdy «Lıter» gazeti. Basylymnyń jazýynsha, birqatar memleketterdiń kóshbasshylarymen qatar Qazaqstan basshysy Nursultan Nazarbaev ta quttyqtaǵan. 100-ge jýyq sheteldik delegatsııa qatysqan ulyqtaý rásimine Úkimet basshysy Kárim Másimov bastaǵan top ta qatysty. Jalpy atalǵan sharada 11 memlekettiń basshysy, 15 syrtqy ister mınıstri jáne 4 parlament basshylary bolǵan.
