Almatyǵa tanymal fýtbolshy Esteban Kambıasso keldi
Bul oıyn Ortalyq stadıonda saǵat 20:00-de bastalady. «Super Bol!» komandasy sapynda 16-dan 25 jasqa deıingi jas oıynshylar óner kórsetedi. Olar Talǵardaǵy ulttyq qurama bazasynda daıyndalyp jatyr.
Qazaqstan quramasy qatarynda Samat Smaqov, Davıd Lorııa, Nurbol Jumasqalıev, Andreı Karpovıch, aǵaıyndy Azovskııler, Farhadbek Irısmetov, Dmıtrıı Bıakov, Aleksandr Kýchma, Maksım Jalmagambetov, Qaırat Áshirbekov, Danııar Muqanov, Sergeı Boıchenko, ıÝrıı Novıkov, Igor Soloshenko, Rýslan Baltıev, Edýard Sergıenko jáne 2006-2008 jyldary ulttyq qurama sapynda bolǵan basqa da oıynshylar shyǵady.
Sonymen qatar, «Real» men mılandyq «Interdiń» burynǵy oıynshysy Esteban Kambıasso da qatysady. Matchqa arnaıy túrde nıderland mamany Arno Paıpers te keledi.
Bul jobanyń arnaıy qonaǵy Esteban Kambıasso osy oıynǵa shaqyrtqany úshin uıymdastyrýshylarǵa alǵysyn aıtty.
«Qazaqstanǵa arnaıy saparmen kelgenime qýanyp otyrmyn. Men úshin erteń ótetin oıyn óte mańyzdy. Osy is-shara qazaqstandyq fýtboldy damytýǵa óz yqpalyn tıgizedi dep úmittenemin», - dedi argentınalyq baspasóz máslıhaty kezinde.
Óz kezeginde qazaqstandyq bapker Talǵat Baısýfınov «Super Bol!» jobasyna qatysýshylarmen jattyǵýlar ótkizgenin aıtty.
«Men bazada jigittermen birge ornalastym. Osy oraıda erteńgi oıynǵa daıyndyqtyń mán-jaıyn pysyqtadyq. Olar bul oıynnan jaqsy tájirıbe jınaıdy degen oıdamyn. Osy jobaǵa qatysyp jatqanyma qýynyshtymyn», - dedi bapker.
Aıta keteıik, «Super Bol!» jas fýtbolshylar jobasyn QR Prezıdenti janyndaǵy Dara daryndylardy qoldaý qory jáne Freedom Broker ınvestıtsııalyq kompanııasy qolǵa alǵan. Match Qazsport arnasynda tikeleı efırde kórsetiledi. Bıletterden túsken qarjy qaıyrylymdylyqqa jumsalady.
Budan buryn tanymal Qazaqstan fýtbolshylary «Super Bol!»-men match ótkizetinin habarlaǵan edik.
