Almatyǵa taksımen 1 keli esirtki ákele jatqan jambyldyq azamat ustaldy

ALMATY. QazAqparat – Almaty polıtsııasy esirtkiniń úlken kólemin Almatyǵa jeke taksımen alyp kelmek bolǵan Jambyl oblysynyń turǵynyn ustady, dep habarlaıdy QazAqparat tilshisi.

Anyqtalǵandaı, esirtki tasymaldaýshy - Jambyl oblysy Merki aýdanynyń turǵyny 1987 jyly týǵan B. esimdi azamat bolyp shyqty.

«Keshe keshki saǵat segizder shamasynda Jandosov kóshesinde, shahardyń kireberisinde ornalasqan statsıonarlyq ekologııalyq bekette mamandandyrylǵan batalonnyń qyzmetkerleri «Toıota Kamrı» kóligin toqtatty. Onyń ishinde Merki aýylynan kele jatqan B. esimdi jolaýshy retinde otyrdy. Onyń qatysýymen jeke tekserý kezinde untaqqa uqsas zaty bar polıetılen oramy tabylyp, tárkilendi. Keıinirek sot-hımııalyq saraptama anyqtaǵandaı, salmaǵy 1 keli, 088 gramm bolatyn gashısh bolyp shyqty. Esirtki satýshy ózin-ózi aqtaýǵa asyqty, ol esirtkini úıden alyp kele jatqanyn jáne tek ózi ǵana paıdalanatynyn aıtty», - deıdi Almaty qalalyq PD ekstremızmge qarsy kúres basqarmasy bastyǵynyń orynbasary Máýlen Qasymjan.

Shyn máninde, ol úlken shaharǵa esirtki jetkizýdiń turaqty arnasynyń biri degen nusqa bar. Osy boıynsha jedel aqparat muqııat tekserilip jatyr.

Bul fakt sotqa deıingi tergeýdiń biryńǵaı tizilimine QR QK 296-baby 4-bólimi boıynsha tirkeldi.

Qylmystyq isti Naýryzbaı aýdandyq polıtsııa basqarmasy júrgizýde. Ustalǵan azamat departamenttiń ýaqytsha ustaý ızolıatoryna qamalǵan.