Almatyǵa taǵy da jańa avtobýstar jetkizildi
ALMATY. QazAqparat – Almatyda kópshiliktiń suraýy boıynsha 37-shi baǵyttyń parki 100%-ǵa jańardy, dep habarlaıdy QazAqparat tilshisi.
On segiz metrli avtobýs-garmoshkalardyń syıymdylyǵy úlken, tómen edendi jáne arnaıy qalalyq jolaýshylar tasymaly úshin jasalǵan. Avtobýstar tabıǵı gazben júredi, zamanaýı standarttarǵa tolyq jaýap beredi, kondıtsıonerlermen ári vıdeobaqylaý kameralarymen jabdyqtalǵan.
Sonymen, 19 avtobýs baǵyt boıynsha 8-9 mınýttik ıntervalmen júredi, taǵy 5 avtobýs rezervte.
Memlekettik tirkeýden ótip, «Ońaı» júıesi ornatylǵannan keıin avtobýstar paıdalanylmaq.
Syıymdylyǵy — 150 adam, 36 otyratyn oryn bar.
Buǵan deıin, «Almatyelektrotrans» JShS jańa «Zhongtong» avtobýstarymen tolyǵyp, № 120 jane 120 A baǵytyndaǵy qoǵamdyq kólik 100 paıyz jańarǵan bolatyn.
