Almatyǵa taǵy 200 jańa avtobýs ákelindi
Qala basshysy Baýyrjan Baıbek jumys sapary kezinde qalaǵa ákelingen jańa avtobýstardy kórdi.
Shaharda kólik reformasyn júzege asyrý aıasynda jolaýshylar kóligin jańartý jumystary jalǵasyp keledi. Syıymdylyǵy úlken jańa avtobýstar №48 baǵyt boıynsha júredi. Sonymen qatar № 12, 19, 56, 70, 77, 123, 124, 137 baǵyttaryna engiziledi.
Erteńnen bastap № 36, 51, 125 baǵyttaǵy eski gazelderdiń ornyna jańa avtobýstar shyǵady. Múmkindigi shekteýli jandarǵa qolaıly avtobýstar tar kóshelermen júre alady. № 40, 46,122 baǵyttar da kúsheıtiledi.
Budan ózge № 59, 69, 71 baǵyttarda jyljymaly quram tolyq jańarady. № 8, 44, 74 baǵyttar boıynsha qosymsha avtobýstar shyǵady.
№205 baǵyt boıynsha jańa magıstraldy qozǵalys ashylady. Ol Raıymbek dańǵyly boıymen «Barlyq» bazarynan qalanyń batys jaǵyn jáne «Jetisý» bazarynyń shyǵys jaǵyn qosady. Bul baǵyt boıynsha jolaýshylarǵa 20 jańa avtobýs qyzmet kórsetedi.
Almaty aglomeratsııasy boıynsha jolaýshylardy tasymaldaý sapasyn arttyrý úshin Qaskeleń qalasyna qatynaıtyn uzyndyǵy 12 metrlik avtobýstar júretin jańa baǵyt ashý josparlanyp otyr.
Almaty ákimi Baýyrjan Baıbek qazirgi kezde kólik salasynda ashyq naryqtyq mehanızmderdiń jumys isteı bastaǵanyn atap ótti.
Jyljymaly quramdy jańartý, arnaıy jolaqtar ashý arqasynda jolaýshylar aǵyny artyp keledi.
«Eski ári tútin shyǵaratyn avtobýstar qalada júrmeýi kerek. Eger kórsetilgen qoldaýǵa qaramastan jeke tasymaldaýshy jyljymaly sostavty jańalamasa, onda olarmen kelisim buzylady. Jańa tehnologııalardy engizip, bolashaqta bir kólikten ekinshisine tegin aýysýdy qarastyrǵan jón. Jolaýshylardyń kólik jumysyna qanaǵattanýy - tasymaldaýdyń basty krıterııi. Jeke kólikti qazirgi deńgeıde ustap turý úshin laıyqty balama usyný qajet», - dedi qala basshysy.
Aıta ketý kerek, qalaǵa jańadan kelgen tómen edendi LıAZ markaly avtobýstar kondıtsıonerlermen, vıdeobaqylaý kameralarymen jabdyqtalǵan. Kólikter Evro-5 ekologııalyq standartyna saı. Jyljymaly sostavtyń daıyndyǵyna oraı baǵyttarǵa shyǵýmen kezeńmen atqarylady.
Almatyda jyl aıaǵyna deıin jańa qoǵamdyq kóliktiń úlesi 87%-ǵa deıin jetetin bolady.
