Almatyǵa syrttan ushyp kelgen 47 jolaýshydan KVI anyqtaldy
ALMATY. QazAqparat – Almaty halyqaralyq áýejaıyna 6-23 qarasha aralyǵynda 52733 jolaýshysy bar 389 reıs ushyp kelgen, dep habarlaıdy QazAqparat tilshisi.
Onyń ishinde COVID-19 anyqtamasymen 47627 jolaýshy, 5083 adam anyqtamasyz kelgen. Qalanyń halyqaralyq áýejaıynda sanıtarlyq-epıdemııalyq baqylaýdy kúsheıtý boıynsha sharalar qabyldandy. Shetelden kelýshiler úshin 6 karantındik statsıonar uıymdastyryldy.
«PTR test tapsyrý úshin 5060 adam karantındik statsıonarǵa jatqyzyldy. 47 jolaýshydan vırýs bary anyqtaldy. Sondaı-aq, anyqtamanyń joqtyǵynan 23 sheteldik azamat deportatsııalandy. Almaty áýejaıynda halyqaralyq reıstermen megapolıske koronavırýs ınfektsııasyna testileýden ótkeni týraly anyqtamasyz kelgen azamattardy anyqtaý boıynsha qatań baqylaý júrgiziledi», - dedi ákimdikten.
