Almatyǵa Sinopharm vaktsınasynyń 15 myń dozasy jetkizildi
ALMATY. QazAqparat - Almaty qalasynda bir táýlikte 1,7 myńnan astam adam koronavırýs vaktsınasyn saldyrdy, dep habarlaıdy QazAqparat tilshisi.
«10 mamyr kúni 1 772 almatylyq vaktsına saldyrdy. Turǵyndar úsh vaktsınanyń ishinen tańdaý jasaı alady. Atap aıtar bolsaq, «Spýtnık-V», nyń QazVac jáne Hayat-Vax ekpesi», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.
Bıyl 1 aqpan men 10 mamyr aralyǵynda qalada barlyǵy 252 431 adamǵa ekpe salyndy. Olardyń arasynda 60 jastan asqan qart kisiler sany - 30 357.
«Jalpy dozada qazaqstandyq QazVac vaktsınasy 3 000 dana, ıaǵnı 15 kúnniń ishinde 2 967 adam vaktsına aldy. 3 mamyr kúni qytaıdyń Sinopharm vaktsınasynyń 15 myń dozasy jetkizildi, onyń birinshi komponenti 1 048 adam egildi», dep atap ótti basqarmadan.
Búgingi kúni qalada 214 pýnkt jumys istep tur. 1 282 adamnan turatyn 315 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi», - dep naqtylady Qoǵamdyq densaýlyq saqtaý basqarmasy.
