Almatyǵa shetelden ushyp kelgen 258 jolaýshyda PTR anyqtama joq bolyp shyqty
ALMATY. QazAqparat - Qazaqstanda koronavırýs ınfektsııasynyń taralýyna jol bermeý úshin Almaty ákimi Baqytjan Saǵyntaevtyń tapsyrmasy boıynsha qalalyq sanıtarlyq-epıdemıologııalyq baqylaý departamenti jaýapty qurylymdarmen birlesip turaqty túrde elimizge shetelden kelgen azamattarǵa monıtorıng júrgizip jatyr, dep habarlaıdy QazAqparat tilshisi.
Almaty áýejaıynda halyqaralyq reıstermen ushyp kelgen azamattar arasynda koronavırýs ınfektsııasyna testileý qorytyndysy joq adamdar anyqtalyp jatyr.
2020 jyldyń 27 qazany men 3 qarasha aralyǵynda shetelden Almatyǵa 7682 jolaýshysy bar 51 áýe reısi keldi. Olardyń ishinen 258 jolaýshyda PTR taldaýy bolmaǵan.
COVID-19-ǵa PTR test nátıjesi joq barlyq 258 jolaýshy koronavırýs ınfektsııasyna zerthanalyq tekserý úshin karantındik mekemelerge oqshaýlandy. Zerttelgen 258 testiniń 219-y teris nátıje kórsetse, 39-ynyń nátıjesi áli shyqqan joq.
Álemdegi epıdemııalyq jaǵdaıdyń ýshyǵýyna baılanysty Almaty qalasynyń ákimdigi qala turǵyndaryn múmkindiginshe shetelge saparǵa shyǵýdy ýaqytsha toqtatýdy, sondaı-aq barlyq sanıtarlyq-epıdemııalyq sharalardy: maska rejımin jáne áleýmettik qashyqtyqty saqtaýdy jalǵastyrýǵa shaqyrady. Qaýip tobyndaǵy halyqqa, ásirese 65 jastan asqan adamdarǵa úıden shyqpaý usynylady.
«Álemde epıdemııalyq jaǵdaı turaqsyz, birqatar elderde aýrýdy juqtyrýdyń óskeni tirkelip otyr, osyǵan baılanysty karantındik rejımdi kúsheıtý boıynsha sharalar qabyldanýda. Ispanııada bıyl 26 qazannan bastap TJ rejımi engizildi. Qalalarda komendanttyq saǵat jumys isteıdi. Frantsııada 1 jeltoqsanǵa deıin karantın. Frantsııa bıligi koronavırýs ınfektsııasyn juqtyrý oqıǵalarynyń kóbeıýine baılanysty búkil elde osyǵan deıin engizilgen oqshaýlaý rejımine Parıjde komendanttyq saǵat engizýge talpynyp otyr. Germanııada 2 qarashadan bastap búkil el boıynsha karantın engiziledi. Avstrııada 3 qarashadan bastap koronavırýstyń taralýyn boldyrmaý úshin 30 qarashaǵa deıin ekinshi karantın bastaldy», - dedi Almaty ákimdiginen.
