Almatyǵa Reseı jerinde tabylǵan soǵys jaýyngeriniń súıegi jetkizildi

ALMATY. QazAqparat – Ekinshi dúnıejúzilik soǵys kezinde habar-osharsyz ketken qazaqstandyq jaýynger Súıinbaı Mazybaevtyń súıegi Reseı aýmaǵynda tabyldy, dep habarlaıdy QazAqparat tilshisi.

Reseı delegatsııasy maıdangerdiń súıegin Otanyna jerleý úshin ákeldi.

Qan maıdanda qaharmandyqpen qaza tapqan jaýyngerdiń kúlin, Almaty halyqaralyq áýejaıynda týystary, Almaty oblystyq garnızonynyń áskerı qyzmetshileri, qalanyń Túrksib aýdany qorǵanys isteri bóliminiń ókilderi jáne Uıǵyr aýdanynyń ákimdiginiń qyzmetkerleri, ardagerler men kýrsanttar qarsy aldy.

Aza tutý rásimi men máıiti jerleý Almaty oblysy Uıǵyr aýdany Súmbe aýylynda ótti.

Almaty qorǵanys isteri jónindegi departamentiniń habarlaýynsha, batyrdyń máıitin RF «Patrıot» izdeý jasaǵynyń qyzmetkerleri Voronej oblysynyń Fedorovka aýylynan 30 tamyzda tapqan.

Súıinbaı Mazybaev 1913 jyly týǵan. Ony maıdanǵa QazSSR Uıǵyr aýdandyq áskerı bólimi shaqyrǵan.

Almaty oblysynyń qorǵanys isteri jónindegi departamenti «Atamnyn Amanaty» qoǵamdyq birlestigimen birge batyrdyń týystaryn tapqan.