Almatyǵa «QazVac» vaktsınasy jetkizildi
ALMATY. QazAqparat – Almatyǵa «QazVac» vaktsınasy jetkizildi, dep habarlaıdy QazAqparat tilshisi.
Qalalyq densaýlyq saqtaý basqarmasynyń málimetinshe, Almatyǵa 6000 doza (1 jáne 2 komponent boıynsha) berildi, olar medıtsınalyq uıymdaryna bólindi. Bul 3000 adamdy vaktsınatsııalaýǵa jetkilikti. Qala turǵyndarynyń qalaýy boıynsha qazaqstandyq nemese reseılik preparatty tańdaı alady.
QazCovid-in vaktsınasyn QR Bilim jáne ǵylym mınıstrligi Ǵylym komıtetiniń Bıologııalyq qaýipsizdik problemalarynyń ǵylymı-zertteý ınstıtýty ázirlegen.
Qaz-Covid-In – óli vırýstan jasalǵan vaktsına. Bul bulshyqet ishine 0,5 ml/dozasy engiziledi.
Quramynda SARS-CoV-2 tazartylǵan ınaktıvırlengen tutas vırıondy shtammy bar. QazCovid-In «Qazaqstan, kovıd, ınaktıvatsııalanǵan» degendi bildiredi. Ol hımııalyq reagentpen «óltirilgen» 2019-Ncov vırýsyna negizdelip jasalynǵan. Bul vaktsınadan keıingi asqynýlar jeńil ótedi ári dene qyzýy joǵarylamaıdy. Sondaı-aq, Sputnik-V ktsınasy sııaqty eki komponentti jáne 21 kúndik ıntervalmen salynady.
Otandyq vaktsınanyń artyqshylyqtarynyń biri – saqtaý sharttary. Eger Sputnik-V vaktsınasy tońazytqyshta 18 gradýs temperatýrada saqtalsa, al QazVac vaktsınasy 2-8 gradýs temperatýrada saqtalady. Bul preparatty óndirýshiden tutynýshylarǵa jetkizý logıstıkasyn jeńildetedi.
Klınıkalyq zertteýlerdiń birinshi kezeńine 18-65 jas aralyǵyndaǵy 44 erikti, ekinshi kezeńge 200 adam, úshinshi kezeńge 3 myń adam qatysty. Qazaqstan dúnıejúzilik densaýlyq saqtaý uıymynyń reestrine óziniń kovıdke qarsy vaktsınasyn tirkedi.
