Almatyǵa ókpeni jasandy jeldetýge arnalǵan 48 apparat jetkiziledi
ALMATY. QazAqparat – Almatyǵa jaqynda ókpeni jasandy jeldetýge arnalǵan 48 apparat jetkiziledi. Bul týraly qalalyq qoǵamdyq densaýlyq basqarmasynyń basshysy Kamaljan Nadyrov onlaın brıfıng barysynda aıtty, dep habarlaıdy QazAqparat tilshisi.
Onyń aıtýynsha, ókpeni jasandy jeldetý apparattarynyń qala boıynsha bar-joǵyna jáne qajettiligine taldaý júrgizildi.
Almaty medıtsınalyq uıymdarynda jalpy 573 ÓJJ apparaty bar.
«Budan basqa, 2 aı ishinde 18 ÓJJ apparaty men medıtsınalyq jedel járdem avtokóligine arnalǵan 20 portatıvti ÓJJ apparaty jetkiziledi. Osylaısha, qajet bolǵan jaǵdaıda ÓJJ apparattaryn qosymsha iske qosý múmkindigi bar. Jalpy, bizde qorda koronavırýs juqtyrǵan patsıentterdi emdeýge arnalǵan 100-den astam ÓJJ apparaty bar. Bul jetkilikti», - dedi Kamaljan Nadyrov.
