Almatyǵa OAR men AQSh prezıdentterin kınoda somdaǵan amerıkandyq akter keldi
ALMATY. 16 qyrkúıek. QazAqparat - Eger Qazaqstanda myqty kınemotografııalyq baza men óndiris bolsa, kez kelgen akterdiń jumys isteýine múmkindik týady.
VIII «Eýrazııa» Halyqaralyq kınofestıvaliniń qonaǵy amerıkandyq akter Dennıs Heısberg keshe Almatyda ótken baspasóz máslıhatynda aıtty.
«Bul meniń Qazaqstandaǵy alǵashqy saparym. Men ózimdi jıhangezbin dep sanaımyn. Akter retinde maǵan mundaı bolyp, álemniń ózge bóligindegi basqa adamdardyń nemen aınalasatynyn kózben kórý úlken qurmet. Bolashaqta birlesken ónimimiz de bolyp qalýy múmkin», - deıdi D.Heısberg. «24 saǵat» teleserıalynda AQSh prezıdenti Devaıd Palmerdi, al «Qosh bol Bafana» kórkem fılminde OAR prezıdenti Nelson Mandelanyń rólin somdaǵan amerıkandyq kınojuldyzdyń sózine qaraǵanda, bolashaqta Qazaqstanda endi qonaq retinde emes, akter retinde jumys isteýge kelýden úmiti óte zor. Eger saıasatqa aralasatyn bolsa kınemotografısterdiń ózara jaqyndasýyna úles qosýǵa yqpal etetinin aıtqan Dennıs Heısberg: «Nelson Mandelanyń rólin somdaýdy usynǵan kezde alǵashqyda men buǵan laıyqty emespin dep oıladym. Degenmen bul akterdiń mindeti ekenin túsine otyryp, ony jaqsy pishinde oınap shyǵýǵa bar kúsh-jigerimdi jumsadym. Túsirilim kezinde prezıdentpen kezdesýge múmkindigim bolǵan. Biraq odan bas tarttym. Óıtkeni bul kezdesý áıgili qaıratkerdiń rólin somdaýyma óz yqpalyn tıgizer edi. Áıtse erte me, kesh pe báribir onymen bir kezdesetinime áli úmittimin», dedi.
