Almatyǵa naǵyz kóktem keldi
ALMATY. QazAqparat - Almatyda naǵyz kóktem, dep habarlaıdy «QazAqparat» HAA tilshisi.
Qaladaǵy aýa temperatýrasy +20-23 gradýsty kórsetip, kún saıyn jylynýy artyp keledi. Tabıǵat uıqysynan oıanýda. Jergilikti turǵyndardyń júzine kúlki úıirilgen.
Qala turǵyndary ýaqyttarynyń basym bóligin saıabaqtarda ótkizedi. Aǵashtar búrshik jaryp, názik jasyl japyraqtar paıda bola bastaǵan. Jerdi jaryp shyqqan alǵashqy gúlder de qaýyzyn ashyp keledi. Budan ózge jazǵy dámhanalar men alańdar da óz jumystaryn bastap ketti.
Gúldengen megapolıs qalalyqtar men qala qonaqtaryn qýanyshqa bóleýde. Jaqyn kúnderde ońtústik astanada qyzǵaldaqtar men alma aǵashtary gúldeıdi.
