Almatyǵa Máskeýden ushyp kelgen jolaýshy koronavırýsty ulynan juqtyrýy múmkin
ALMATY. QazAqparat – Almatyǵa Máskeýden ushyp kelgen jolaýshy koronavırýsty ulynan juqtyrýy múmkin. Bul týraly Almaty qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
«Almatydaǵy tórtinshi naýqas Máskeýden ushyp kelgen Qazaqstan azamaty. Onyń aıtýynsha, koronavırýsty ulynan juqtyrýy múmkin. Sebebi ol Máskeýde Italııadan kelgen ulymen kezdesken. Al, balasy koronavırýs ınfektsııasyn Italııadan Máskeýge ákelgen tasymaldaýshylardyń biri boldy. Naýqas bul týraly bizge habarlaǵan joq. Keshe keshkisin almatylyq bir azamat bizge júgindi, odan test alyndy.Tańerteń oń nátıjıe kórsetkenin anyqtadyq. Birden aýrýhanaǵa jatqyzdyq. Ol áıelimen turady. Áıeli de oqshaýlandy. Test nátıjesi shyqqan soń bári belgili bolady», - dedi Tileýhan Ábildaev.
Búgin taǵy eki qazaqstandyqtan ınfektsııa anyqtalǵany týraly habarlaǵan bolatynbyz. Olardyń biri - almatylyq kásipker. Ol Almatyǵa Máskeýden 10 naýryzda ushyp kelgen.
