Almatyǵa Qytaıdan 211 adam jetkizildi
Qytaıdan kelgen ushaqtaǵy jolaýshylardyń 171-i Qazaqstan, 40-y Qyrǵyzstan azamattary. Bul QHR-da koronavırýsty ınfektsııanyń shyǵýyna baılanysty QR azamattaryn Qazaqstanǵa jetkizgen sońǵy reıs.
Mamandardyń aıtýynsha, kelgenderdiń jaǵdaıy qanaǵattanarlyq.
«Kelgen bette qazaqstandyqtardy juqpaly aýrýlar emhanalaryna apardy, al Qyrǵyzstan azamattary qyrǵyz tarapyna berildi jáne Qyrǵyz Respýblıkasynyń aýmaǵyna jetkizildi. Karantın jarııalanǵan jerden kelgen jolaýshylar juqpaly aýrýlar emhanasynyń aýmaǵyndaǵy mamandandyrylǵan bokstarǵa oqshaýlanady. Sanıtarlyq jáne shekara qyzmetiniń qyzmetkerleri, ekıpaj, medıtsına qyzmetkerleri ushaqty áýejaı aýmaǵyndaǵy jeke aımaqqa otyrǵyzý kezinde, sondaı-aq patsıentterdi jeke baǵyt boıynsha oqshaýlaý jáne karantındeý protsesinde koronavırýsty ınfektsııalardyń taralýyna jol bermeý boıynsha barlyq epıdemııaǵa qarsy sharalardy saqtaǵanyn atap ótken jón. Ushaq bortynda jolaýshylar termometrııa ádisi boıynsha úsh kezeńnen turatyn tekserýden ótti», - dedi ákimdiktiń baspasóz qyzmetinen.
Juqpaly aýrýlar aýrýhanasynyń aýmaǵyna kelgenderge barlyq qajetti jaǵdaılar jasalǵan. Medıtsınalyq uıymdar dári-dármekterdiń jáne epıdemııaǵa qarsy qorǵaný quraldarmen jetkilikti túrde qamtamasyz etilgen.
Jalpy, búgin álemde 45 188 koronavırýsty ınfektsııa jaǵdaıy tirkelgen.
Dárigerlerdiń aıtýynsha, Almatyda jaǵdaı turaqty, koronavırýsty juqtyrý jaǵdaılary joq.
«Epıdahýal bıliktiń baqylaýynda. Óńirlik shtab koronavırýsty ınfektsııanyń taralýynyń aldyn alý boıynsha kúsheıtilgen sharalardy iske asyryp jatyr. Barlyq halyqaralyq reıster boıynsha vırýstyq ınfektsııalardyń aldyn alý jáne dıagnostıkalaý boıynsha epıdemııaǵa qarsy sharalar júzege asyrylýda», - dedi baspasóz qyzmetinen.
Koronavırýs máseleleri boıynsha Qazaqstan aýmaǵynda 1406 nómiri boıynsha táýlik boıy call-ortalyq jumys isteıdi.
Sonymen qatar, atalǵan reıske kelgenderdiń máseleleri boıynsha Almatyda +7 707 677 7168, +7 771 404 5465 nómirleri boıynsha «jedel jeli» jumysy uıymdastyryldy.
