Almatyǵa qydyryp kelgen ózbekstandyq qarııa joǵalyp ketti
ALMATY. QazAqparat - Almatydaǵy qyzyna qonaqqa qydyryp kelgen aqsaqal joǵalyp ketti, dep habarlaıdy QazAqparat tilshisi.
65 jastaǵy Ózbekstan azamaty Bekjan Begıev keshe kúndizgi 10:30 shamasynda Alataý aýdany Mádenıet aýylyndaǵy jer úıden shyǵyp ketken.
Jaqyndary ony kóshede serýendep qaıtýǵa shyqqan bolar dep alańsyz otyryp qalǵan. As daıyn bolǵanda, er adamdy shaqyrmaq bolǵan týystary ony esh jerden taba almaǵan.
«Qujaty da, telefony da úıde qaldy. Basynda jaı aýlada serýendep keler dep mán bermedik. Jarty saǵattan soń tamaqqa shaqyraıyn dep izdesek, esh jerden taba almadyq. Úıde 1-2 saǵat shamasynda kep qalar dep kúttik. Sosyn úreılene bastadyq. Túnimen izdedik. Mádenıet aýylyn túgel aralap shyqtyq. Eshqandaı belgi joq, eshkim kórmegen», - dedi týystary.
Olardyń aıtýynsha, er adamnyń este saqtaý qabileti jaqsy. Tek azdap qysymy kóteriledi eken.
Qazir qarııanyń týystary Alataý aýdandyq ІІB-na adam joǵalyp ketkeni jóninde aryzdandy. 
