Almatyǵa koronavırýsty anyqtaıtyn 266 myń test jetkiziledi
NUR-SULTAN. QazAqparat - 27 naýryz kúni Almaty qalasynda koronavırýsty anyqtaıtyn 266 myń test jetkiziledi. Bul týraly «Habar 24» telearnasynyń tikeleı efırinen QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.
«27 naýryzda Almaty qalasyna 266 myń test alyp keledi. Olar kedendik jáne valıdatsııa protsedýrasynan ótkiziledi. Boljammen 29 naýryzda olar eń aldymen dárigerlerdiń qolyna tıedi. Bulardyń barlyǵy tegin testiler», - dedi mınıstr.
Onyń atap ótýinshe, osy ýaqytqa deıin elimizde koronavırýs ınfektsııasyn anyqtaýǵa arnalǵan 15 myńnan astam test jasaldy. Qazirgi ýaqytta kúnine mynan astam test jasalyp jatyr. Bul jumystar aldaǵy ýaqytta da jalǵasady.
«Keshe Bas sanıtarlyq dárigerdiń qaýlysy shyqty. Oǵan sáıkes qalaǵa kelýshilerdiń barlyǵyna test júrgiziletin bolady», - dedi Dáýren Abaev.
