Almatyǵa koronavırýsqa qarsy vaktsınanyń 57 myń dozasy jetkiziledi
ALMATY. QazAQparat- 9 sáýir kúni Almatyǵa koronavırýsqa qarsy vaktsınanyń 57 myń dozasy jetkiziledi, dep habarlaıdy QazAqparat tilshisi.
«5 sáýir kúni 4 764 almatylyqqa koronavırýsqa qarsy ekpe salyndy. Jalpy, Jalpy, 1 aqpannan bastap 44 315 turǵyn «Spýtnık-V» vaktsınasynyń birinshi komponentin aldy. Qazir emdeý mekemelerinde 6 335 doza qaldy. Vaktsınatsııa protsesi jalǵasýda. Vaktsınanyń 5-transhy 9 sáýirde keledi. 57 445 doza kútilýde», - dep habarlady Almaty qalasy qoǵamdyq densaýlyq saqtaý basqarmasy.
Buǵan deıin, Narıman Tabynbaev qalada koronavırýsqa qarsy vaktsınatsııa birneshe kúnge shekteletinin málim etken edi.
Qazir qalada 56 vaktsına pýnkti jumys istep tur.
Almaty ákimi qalaǵa aı saıyn 250 myń doza vaktsına bólinetinin aıtqan bolatyn.
Sonymen qatar, sáýir aıynda megapolıste 250 vaktsına pýnkti ashylady.
