Almatyǵa koronavırýs vaktsınasy qalaı jetkizilip, saqtalady
ALMATY. QazAqparat- Almaty qalasynyń ákimi Baqytjan Saǵyntaev №7 qalalyq klınıkalyq aýrýhana men «KFK Medservıs Plıýs» JShS qoımalaryn aralap, halyqty jappaı vaktsınalaý úshin QR mınıstrligi jetkizetin vaktsına dozalaryn qabyldaý men saqtaýǵa arnalǵan ınfraqurylymnyń daıyndyǵymen tanysty. Qoımalarda vaktsına dozalary ekpe pýnkterine taratylǵanǵa deıin saqtalady, dep habarlaıdy QazAqparat tilshisi.
Qala ákimi vaktsınalardy saqtaý jáne taratý algorıtmimen tanysty, olardyń durys saqtalýyn qamtamasyz etý úshin jasalǵan jaǵdaılardy tekserdi.
Preparattardy qabyldaý aımaǵynda bolyp, tońazytqyshtardy qarap shyqty.
Aıta ketsek, QR Densaýlyq saqtaý mınıstrliginiń talaptaryna sáıkes vaktsınalardy saqtaý úshin tońazytqysh kameralary satyp alyndy.
Qaýipsizdik úshin úsh deńgeıli baqylaý júıesi, rezervtik jáne negizgi tońazytqysh agregatorlary, 4 temperatýra men ylǵaldylyq datchıkteri, elektrondy jáne mehanıkalyq termostattar bar.
Jalpy, qoımada ártúrli medıtsınalyq buıymdar men preparattar saqtalatynyn eskere otyryp, ylǵaldylyq pen aýa almasýdy saqtaý men baqylaýdyń ár túrli aımaqtary bar.
«KFK «Medservıs Plıýs» JShS bıznesti damytý jónindegi dırektory Saıda Erdenbekova vaktsına eki konteınerde jetkiziletinin, bul táýekelderdi basqarý jáne qaýipsizdik úshin qajet ekenin aıtty. Óıtkeni jylý qoraptary tehnıkalyq aqaý bolǵan jaǵdaıda temperatýrany saqtaýǵa múmkindik beredi.
Vaktsınalaýǵa bekitilgen medıtsına qyzmetkerleri ekpemen jumys isteýdi jaqsy meńgergen.
Sonymen qatar, Baqytjan Saǵyntaev №36 qalalyq emhanada boldy, onda vaktsınatsııa barysyn tekserip, vaktsına alýǵa kelgen qala turǵyndarymen áńgimelesti.
Klınıka basshylyǵy vaktsına alǵysy keletinderdiń sany artqanyn jetkizdi.
Halyqty vaktsınatsııalaý algorıtminde adamdardyń qaptap ketýine jol bermeý úshin aldyn ala tirkelý qarastyrylǵan.
Medmekemelerdi aralaǵan qala ákimi koronavırýs ınfektsııasyn juqtyrǵan naýqastardy emdeý barysymen de tanysty.
Jalpy qalada vaktsınatsııanyń barysy josparlanǵan kórsetkishke sáıkes júrip jatyr. Jumys únemi baqylaýda bolady.
