Almatyǵa koronavırýs kelgen jaǵdaıda ne bolady - ákimdik jaýaby

ALMATY. QazAqparat – Búgin Almatyda ótken qoǵamdyq keńes otyrysynda qala ákiminiń orynbasary, shtab basshysy Erjan Babaqumarov koronavırýs juqpasy Almatyǵa kelgen jaǵdaıdaǵy «B» josparymen bólisti, dep habarlaıdy QazAqparat tilshisi.

«Jergilikti masshtabta Tótenshe jaǵdaı jarııalanady. Halyqty qulaǵdar etý úshin ahýal ortalyǵy, saıt ashylady. Koll-ortalyq jumys isteıdi. Basynda aıtylǵan 3 sanattaǵy adamdarmen jumys isteý úshin medıtsına mamandaryn jumyldyrý qolǵa alynady. Odan bólek úılerde karantın bekitiledi. Adam qaıtys bolǵan jaǵdaıda ony jerleý máselesi de erekshe rejimde uıymdastyrylady. Qoǵamdyq kólik jumysy qaıta qaralyp, juqpaly aýrýlardan zararsyzdandyrý júıesi ornatylady. Adam kóp shoǵyrlanǵan qoǵamdyq oryndar muqııat tazalanady. PIK jumysy qaıta úılestiriledi», - dedi ol.

Qala ákiminiń aıtýynsha, Almatyda azyq-túlik pen dári-dármekti úzdiksiz jetkizý qolǵa alynady.

Aıta ketý kerek, Almatyda koronavırýs ınfektsııasy zerthanalyq testileýde bir de bir adamnan tabylmady.