Almatyǵa kirip-shyǵýǵa ruqsat etilgenderdiń tizimi ózgertildi

ALMATY. QazAqparat – Almaty qalasy ákimdigi janyndaǵy tótenshe jaǵdaı rejımin qamtamasyz etý jónindegi jedel shtab buryn qabyldanǵan qujattarǵa ózgerister men tolyqtyrýlar engizdi, dep habarlaıdy QazAqparat tilshisi.

Qala ákimdigi baspasóz qyzmetiniń habarlaýynsha, Almaty qalasyndaǵy blok beketter arqyly kirý/shyǵýyna ruqsat etilgen tulǵalar tizimine ózgerister engizildi.

«QR-nyń ózge aımaqtarynyń quqyq qorǵaý jáne arnaıy organdarynyń (UQKD, Prokýratýra, ETD, MKD, Sybaılas jemqorlyqqa qarsy kúres qyzmeti, JKUB, QR MQK, JP, Ulttyq gvardııa, QM, TJD) qyzmettik qajettilikke oraı Almaty qalasyna kirý jáne shyǵý úshin, aımaqtyq organnyń birinshi basshysynyń qoly qoıylǵan qaǵaz júzinde ruqsaty bolýy tıis», - dep habarlaıdy Almaty qalasy ákimdiginiń baspasóz qyzmeti.

Aıta keteıik, QR Prezıdenti janyndaǵy tótenshe jaǵdaı rejımin qamtamasyz etý jónindegi Memlekettik komıssııanyń sheshimine sáıkes shekteýlerdiń qoldanylýy 6 sáýir kúni saǵat 00.00-den 2020 jylǵy 13 sáýirge deıin uzartyldy.