Almatyǵa kireberistegi kepteliske baılanysty blokpostarda baqylaý kúsheıtildi
ALMATY. QazAqparat - Almatynyń kireberisinde taǵy da birneshe shaqyrymǵa sozylǵan kólik keptelisi paıda boldy. Júrgizýshiler qalaǵa kirý úshin jol qozǵalysy erejesin buzyp jatyr. Osyǵan baılanysty polıtseıler blokpostardaǵy baqylaýdy kúsheıtti, dep habarlaıdy QazAqparat tilshisi.
Áleýmettik jelide paıdalanýshylar qalanyń ár jerinen túsirilgen vıdeolardy taratyp jatyr. Kólik keptelisi Instagram jelisindegi paraqshasynyń birinde jarııalandy.
Almaty qalalyq polıtsııa departamenti osy máselege qatysty túsinik berdi.
«Biz qosymsha polıtsııa jasaqtaryn jumyldyrdyq. Olar keptelis kóp bolyp jatqan aýmaqtardaǵy blokpostarda turady. Sonymen qatar jol qozǵalysy erejelerin buzýshylardy da anyqtaımyz. Jol júrý erejesin saqtamaǵan júrgizýshiler ákimishilik jaýapqa tartylady», - dep habarlady polıtsııadan.
Vedomstvo ókilderiniń aıýtynsha, blokpostardaǵy jaǵdaı únemi baqylaýǵa alynǵan.
Eske salaıyq, keshe Almatyǵa kireberiste birneshe shaqyrymǵa sozylǵan keptelistiń vıdeosy taraǵan bolatyn.
