Almatyǵa kireberiste birneshe shaqyrymǵa sozylǵan keptelis paıda boldy
ALMATY. QazAqparat – Almaty syrtyndaǵy blokposttarda birneshe shaqyrymǵa sozylǵan keptelister paıda boldy, dep habarlaıdy QazAqparat tilshisi.
Áleýmettik jelide birneshe kúnnen beri keptelistiń fotosy men vıdeosy tarap jatyr .
Qalalyq polıtsııa departamenti qalaǵa sebepsiz kirip-shyǵýdy qoıa turýǵa keńes berdi.
«Bul keptelis karantın rejımi báseńsigen soń paıda boldy. Keı azamattar karantın aıaqtaldy dep sanap, qalaǵa kirýge nemese shyǵýǵa talpynyp jatyr. Karantın tek jeńildedi. Blokpostan tek jedel shtab bazasynda aty-jóni tirkelgen azamattar ǵana óte alady. Ár kólikti tekserýge birshama ýaqyt ketetini belgili. Bul sharanyń barlyǵy halyqtyń qaýipsizdigi úshin jasalyp otyr», - deıdi polıtsııa departamenti basshysynyń orynbasary Nurlan Almasbekov.
Polıtsııa departamenti keptelisten qashamyn dep qarama-qarsy betke shyqqan júrgizýshiler de ákimshilik jazaǵa tartylatynyn eskertti.
