Almatyǵa kireberis joldarda blokpostar jumysyn jalǵastyrady
ALMATY. QazAqparat – 11 mamyrdan keıin Almaty qalasynda blokpostar jumysyn jalǵastyrady, dep habarlaıdy QazAqparat Memlekettik komıssııanyń shuǵyl shtabyna silteme jasap.
«11 mamyrda Almaty qalasynda karantın rejımi saqtalady. Perımetr boıynsha ornalasqan blokpostardyń jumysy da jalǵasady. Buǵan deıin qabyldanǵan qalaǵa kirý men shyǵý erejeleri sol kúıi qalady. Jumysqa ruqsat alǵan kásiporyndar ǵana jiberiledi. Qoǵamdyq kóliktiń jumys tártibinde de ózgeris bolmaıdy: saǵat 06.00-den keshki 19.00-ge deıin», - dep keltirilgen Almaty qalasynyń bas sanıtarlyq dárigeri Jandarbek Bekshınniń sózderi.
Aıta keteıik, J.Bekshın qala turǵyndary men kásiporyndardy karantın talaptaryn 11 mamyrdan keıin de saqtaýǵa shaqyrdy.
