Almatyǵa kelgen saıahatshy kúnine qansha aqsha jumsaıdy
ASTANA. QazAqparat - Almatyda saıahatshylar arasynda júrgizilgen zertteý nátıjesi tanystyryldy, dep habarlaıdy QazAqparat tilshisi.
«Saýalnama mamyr aıynda ǵana jasaldy. Saıahatshynyń sońǵy keskininiń sulbasy áli joq. Sebebi bul zertteýdi barlyq maýsymdy qamtý úshin jyl boıy júrgizý qajet. Saıahatshylar maýsymnan maýsymǵa ózgerip otyrady. Jazda kóbine otbasylyq, qysta taý shańǵysy, kúzde bıznes-saıahatshylar, al kóktemde ekotýrızm jıi bolady. Al qazirgi aralyq nátıje sanalady», - dedi «Visit Almaty» Almaty qalasynyń týrıstik-aqparattyq ortalyǵynyń dırektory Kámıla Luqpanova.
Zertteý nátıjesinde Almatyǵa saıahattap kelgen saıahatshynyń bir kúnde qansha aqsha jumsaıtyndyǵy eseptep shyǵarylǵan. Atap aıtqanda, ońtústik astanaǵa kelgen otandyq saıahatshylar kúninen ortasha eseppen 55, al reseılik qonaqtar 80-90 dollar jumsaıdy. Azııa elderinen kelgen týrıster táýligine 130-150, eýropalyqtar 180-190 dollar qaldyrady.
