Almatyǵa qardyń rekordty mólsheri jaýdy
ALMATY. QazAqparat - Almatyǵa qardyń rekordty mólsheri jaýdy, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
3 aqpan kúni keshki 21:30-dan tańǵy 7:30-ǵa deıin Almatyǵa jaýǵan qardyń qalyńdyǵy 2017 jyldyń rekordtyq mólsheri bolyp sanalatyn 20-25 santımetrge deıin jetken. Taýly jerlerde 30-35 santımetrge deıin jaýǵan.
Qar jaýǵan sátten bastap, kommýnaldyq qyzmetter kóktaıǵaqqa qarsy materıaldardy jol betine seýip shyqty. Búgin tańǵy toǵyzǵa deıin kúresinge 4490 tekshe metr qar shyǵaryldy. Túngi ýaqytta 3800 tonna kóktaıǵaqqa qarsy materıal qoldanyldy.
