Almatyǵa Halyqaralyq stýdenttik sport federatsııasynyń baǵalaý komıssııasy (FISU) keldi
ALMATY. 24 qazan. QazAqparat /Názıra Eleýhan/ - Sapardyń birinshi kúni baǵalaý komıssııasynyń ókilderi Almaty qalasynyń ákimi Ahmetjan Esimovpen kezdesip, 2017 jyly Ýnıversıada kezinde qoldanysqa beriledi dep josparlanǵan qalanyń birneshe sporttyq nysandarynda bolyp qaıtty.
Sonymen qatar, komıssııa Ál-Farabı atyndaǵy QazUÝ-de bolyp, qalanyń kólik, qonaq-úı jáne taǵy da basqa ınfraqurylymdarymen tanysty.
Ekinshi kúni Halyqaralyq stýdenttik sport federatsııasynyń baǵalaý komıssııasyn elimizdiń premer-mınıstr Kárim Másimov qabyldaıdy.
Esterińizge sala ketsek, Almaty qalasy bıylǵy jyldyń mamyr aıynda 28-shi Qysqy Dúnıejúzilik ýnıversıadany ótkizýge ótinish jasaǵan bolatyn. Oıyndardy qabyldaýǵa Italııanyń Trentıno shahary da nıet bildirgen edi. Qaı qalada ótkizý týraly sheshim, aldaǵy ýaqytta, naqtyraq aıtqanda, aǵymdaǵy jyldyń 29 qarasha kúni Brıýssel qalasyndaǵy FISU-dyń shtab-páterinde daýys berýdiń nátıjesinde belgili bolady.
