Almatyǵa gazben júretin avtobýstardyń alǵashqy toby ákelindi
ALMATY. 22 jeltoqsan. QazAqparat /Erbol Azanbek/ - Almatyǵa gazben júretin alǵashqy 20 avtobýs ákelindi. Búgin olardyń tanystyrylymy ótip, qala ákimi Ahmetjan Esimov alǵashqy jolaýshylardyń biri boldy.
Esterińizge sala keteıik, qala bıligi buǵan deıin ekologııalyq ahýaldy jaqsartý, qoǵamdyq kólik salasyndaǵy keleńsizdikterdi joıý maqsatynda mýnıtsıpaldyq avtopark quryp, 200 jańa avtobýs ákelinetinin birneshe ret málimdegen bolatyn.
Soǵan sáıkes ákelingen avtobýstardyń alǵashqy legi halyqaralyq talapqa saı jasalǵan. 30 oryndyq, 12 metrlik avtobýstyń edeni alasa, qala turǵyndarynyń talaptaryna sáıkestendirilgen. Qala ákimi jańa avtobýstar qalalyq jáne zamanaýı talaptarǵa saı dep baǵalap, qalǵan avtobýstardyń aldaǵy 3 aı kóleminde jetkiziletindigin atap ótti.
Onyń sózine qaraǵanda, bul avtobýstar qala ortalyǵynda sáýir aıynan bastap júretin bolady.
