Almatyǵa erekshe alyp ushaq qondy
ALMATY.QazAqparat – Almatynyń halyqaralyq áýejaıyna erekshe alyp An-22 «Anteı» ushaǵy qondy, dep habarlaıdy QazAqparat tilshisi.
Áýejaı baspasóz qyzmetiniń habarlaýynsha, bort janarmaı quıý úshin qonaǵan. Qazir ol qaıtadan ushyp ketti. Qaı baǵytta ekendigi habarlanbaıdy.
An-22 «Anteı» - bul SSSR-dyń aýyr týrbovıntti kóliktik ushaǵy. Odaqtyń birinshi keńfıýzelıajdy borty. Jalpy, osyndaı 69 ushaq shyǵarylǵan. Búgingi tańda ony Reseı áskerı-áýe kúshteri men Ýkraınanyń «Antonov Airlines» áýe kompanııasy qoldanady.
Alǵash ret áýege 1965 jyldyń 27 aqpanynda kóterildi. Alyp An-22 áskerı kólik ushaǵyna grek mıfologııasyndaǵy Anteıanyń aty berilgen.
Buǵan deıin, Almaty áýejaıyna birneshe ret álemdegi eń úlken An-225 «Mrııa» ushaǵy qonǵan bolatyn.
