Almatyǵa Djeıms Bond keldi
ALMATY. 18 qarasha. QazAqparat /Ádilet Musahaev/ - Sizder tótenshe jaǵdaıdaǵy qaýipsizdik jumystaryn jaqsy oryndaı bildińizder. Búgin ıÝNISEF-tiń halyqaralyq izgi nıetti elshisi Rodjer Mýr Almaty oblysy Qarasaı aýdany Úshqońyr aýylynyń mektebinde ótkizilgen apatqa qarsy qaýip-qaterdi tómendetý jattyǵýy barysynda osylaı aıtty
Rodjer Mýr myrza men onyń zaıyby Ledı Krıstına Mýr hanym Almaty oblysy Bilim berý departamenti men Tótenshe jaǵdaılar jónindegi departament ókilderimen birlesip, Úshqońyrdaǵy Muhtar Áýezov atyndaǵy orta mektepte bolyp, sý tasqyny, órt jáne zilzala sekildi tabıǵat apattaryna qarsy turý boıynsha oqýlardy kórip, oń baǵasyn berdi. «Sizder tártip erejesin saqtaı biletin, ári óte qabiletti aktersińder. Bul meniń sońǵy ýaqytta kórgen sátti jattyǵýlarymnyń biri, óıtkeni oqýshylar joǵary deńgeıde jattyqqan», dedi R. Mýr.
Jattyǵý barysynda jer silkinisi oryn alǵandyǵy jónindegi dabyl qaǵylyp, oqýshylar birtindep dalaǵa júgirip shyǵa bastaıdy. Sonymen qatar saqadaı-saı turǵan órt sóndirýshiler men alǵashqy medıtsınalyq kómek kórsetý qyzmetkerliri oryn alǵan órtti sóndirip, tútinde qalǵan eki oqýshyny qutqardy.
Atalǵan uıymdar Almaty oblysynyń mektepterinde apatty jaǵdaılarda jan saqtaý úshin qajetti daǵdylar men bilimdi damytý úshin arnaıy oqý baǵdarlamalaryn engizýde.
«Biz apatty jaǵdaı oryn ala qalǵan kezde balalardyń qandaı áreketterge barý kerektigi jóninde paıdaly maǵlumat berip, bilimderin odan ári jetildire túsý úshin osyndaı oqý-jattyǵýlaryn uıymdastyryp, túrli quraldar men CD, DVD taspalaryna jazylǵan derekterdi taratýdamyz. Joba Almaty men Almaty oblysy jáne Ońtústik Qazaqstan oblystaryn qamtıdy. 2010-2011 jyldarǵa da qarajat bólindi, endi Shyǵys Qazaqstan oblysyn da qosamyz», deıdi ıÝNISEF-tiń qyzmetkeri, jobanyń úılestirýshisi Raıymbek Sısemalıev.
