Almatyǵa Djek Ma jibergen gýmanıtarlyq kómektiń ekinshi partııasy keldi

ALMATY. QazAqparat – Almatyǵa Djeka Ma men «Alibaba Group» qorlarynyń gýmanıtarlyq kómeginiń ekinshi legi jetkizildi. Onda 50 016 dana test jáne 30 jasandy tynys alý apparaty bar.

Gýmanıtarlyq júkti medıtsınalyq mekemeler arasynda taratý úshin biryńǵaı dıstrıbıýtor – «SQ-FARMATsIıA» JShS qabyldap aldy. QR Syrtqy ister mınıstrligi Qazaqstan Úkimetiniń atynan «Djeka Ma» jáne «Alibaba Group» qorlaryna COVID-19 indetimen kúrestegi mańyzdy kómegi úshin alǵys bildiredi.

Eske salaıyq, 2020 jyldyń 10 sáýirinde belgili qytaılyq kásipker elimizge 4,5 tonnadan astam medıtsınalyq qorǵaý quraldaryn (medıtsınalyq maskalar, qorǵanys kostıýmderi, medıtsınalyq qolǵaptar, baılanyssyz termometrler) joldaǵan bolatyn.

Osyǵan deıin Qazaqstannyń Qytaıdaǵy Elshiliginiń qoldaýymen Shıtszıachjýan qalasynan (Hebeı provıntsııasy) «Djek Ma» jáne «Alibaba» qorlarynan medıtsınalyq qorǵanys quraldary Almaty qalasyna jetkizilgendigin habarlaǵan bolatynbyz.

Mıllıarderdiń bul kómegi úshin Memleket basshysy Qasym-Jomart Toqaev alǵys bildirgen bolatyn.