Almatyǵa BRT jelisi kerek- Erbolat Dosaev

ALMATY. QazAqparat – Megapolıste avtobýstarǵa arnaıy bólingen jeliler men olardyń shemasyn ońtaılandyrý jumystary júrgizilip jatyr. Bul týraly Almaty ákimi Erbolat Dosaev Bostandyq aýdany turǵyndarymen kezdesý barysynda aıtty, dep habarlaıdy QazAqparat tilshisi.

Almaty turǵyny júrdek avtobýstar jelisi ( BRT - Bus rapid transit) shaǵymdandy. Onyń aıtýynsha, avtobýs jelileriniń kesirinen jerústi jaıaý júrginshiler ótkelderinde kólik keptelisi kóbeıip, lastaný deńgeıi artqan.

«Avtobýstar júretin arnaıy jelilerdegi máselelerge keler bolsaq, qazir olardy qalypty jaǵdaıǵa keltirý úshin qaıta qaraý jáne ońtaılandyrý boıynsha jumys istep jatyrmyz. Shyndyǵynda, mundaı avtobýs jelileri álemniń barlyq megapolısterinde bar, olar tek tıimdi jumys isteýi kerek. Bálkim, biz sizdermen birge jasaǵan qıyndyqtarǵa tap bolyp jatqan shyǵarmyz. Qalaǵa BRT qajet, másele olardyń qaı jerde jáne qalaı salynýynda bolyp otyr. Suraǵyńyz óte oryndy. Jalpy, bizde qalanyń kólik ınfraqurylymyn damytý jospary bar, onda bizdiń buǵan deıin jibergen qatelikterimiz eskerilip, aldaǵy josparlar bekitiletin bolady», - dedi Erbolat Dosaev.

Qalalyq mobıldi basqarmasynyń basshysy Ǵanı Murzahanov BRT avtobýstarymen kúnine 120 myńǵa jýyq jolaýshy tasymaldanatynyn, al jeli arqyly 2 myń avtobýs ótetinin aıtty.