Almatyǵa bokstan Azııa chempıonatyna qatysqan komandanyń bir bóligi oraldy

ALMATY. QazAqparat – Bokstan 2021 jylǵy Azııa chempıonatyna qatysqan komandanyń bir bóligi Almaty qalasynyń halyqaralyq áýejaıyna oraldy, dep habarlaıdy QazAqparat Qazaqstannyń boks federatsııasyna silteme jasap.

Jeńimpazdar men jattyqtyrýshylardy ata-analary, dostary, Almaty qalasynyń boks federatsııasy, jergilikti sport jáne dene shynyqtyrý basqarmasy jáne basqalary qarsy aldy.

Ońtústik astanaǵa ushyp kelgenderdiń arasynda jańa chempıondar – Alýa Balqybekova, Nazym Qyzaıbaı, Farıza Sholtaı, kúmis júldegerler Ábilhan Amanqul men Qamshybek Qońqabaev boldy.

Esterińizge sala keteıin, Azııa chempıonatynda bokstan erler men áıelder arasyndaǵy Qazaqstan quramalary medaldik esepte jalpykomandalyq birinshi oryndy jeńip aldy. Dýbaı qalasynda bizdiń sportshylar 8 altyn, 6 kúmis jáne eki qola medal ıelendi.

Komandanyń basym bóligi 3 maýsymda Qazaqstanǵa oralady. Erler quramasy 3 maýsym kúni tańǵy 7.55-te Nur-Sultan qalasyna ushyp keldi. Áıelder quramasy keshki reıspen saǵat 21.20-da keledi.