Almatyǵa bıyl 630 jańa avtobýs jetkiziledi
ALMATY. QazAqparat – Bıyl Almatyda 600-den astam avtobýs satyp alý josparlanyp otyr, dep habarlaıdy QazAqparat tilshisi.
«2021 jyly jeke tasymaldaýshylar men «Almatyelektrotrans» JShS ekologııalyq taza otynmenjúretin 630 avtobýs satyp alýdy josparlap otyr», - dep habarlady Almaty qalalyq mobıldilik basqarmasy.
Ázirge, jańa qoǵamdyq kólikterdliń shyǵatyn kúni men baǵyty belgilengen joq. Sebebi jyljymaly quramnyń jańarýy tasymaldaýshylardyń avtobýstardy jetkizýine baılanysty.
«Búginde avtobýstardyń tapshylyǵy 1000 birlikti quraıdy. Qala halqynyń jyl saıynǵy ósýine baılanysty bir ýaqytta avtobýstardyń sanyn kóbeıtý múmkin emes. Kúndelikti jolaýshylardy tasymaldaýǵa qala kóshelerine 2000 avtobýs pen trolleıbýs shyǵady», - dep atap ótti basqarmadan.
Vedomstvanyń aqparatyna sáıkes, karantın kezinde Almaty qalasynda jolaýshylar aǵyny 30% -ǵa azaıdy.
