Almatyǵa bandıtter kelgende turǵyndar balkonnan qoshemet kórsetken – Memleket basshysy
Suhbat júrgizýshisi Prezıdentke mıtıngige shyǵýǵa shaqyrǵan tanymal adamdar men zııalylar týraly suraq qoıdy.
«Rasynda da, ásirese osyndaı tarıhtaǵy kúrdeli sátterde zııaly qaýymnyń róli erekshe. Biz bastan keshken qaıǵyly oqıǵalarǵa kelsek, árıne túsinemin, zııalylar men tanymal adamdardyń ózderi shok jaǵdaıynda bolǵan tárizdi. Óıtkeni dekoratsııalar jyldam ózgerip otyrdy, beıbit sherýshilerden keıin aldymen buzaqylar, sodan keıin kásibı bandıtter keldi. Mine, dekoratsııanyń osylaı ózgergenin keıbiri baıqamady, al keıbir BAQ-tar ádeıi alasapyran jasap, beıbit sherýshilerge repressııalyq áreketter qoldanylǵandaı kórsetkisi kelgen shyǵar. Shyn máninde biz – tragedııany bastan ótkergender bári basqasha bolǵanyn bilemiz», - dedi Qasym-Jomart Toqaev.
Óz sózinde Prezıdent Qazaqstanǵa shabýyl uıymdastyrýshylardyń osy stsenarııdi, ıaǵnı, dekoratsııanyń jyldam aýysýyn arnaıy qarastyrýy da múmkin ekenin aıtty.
«Mysaly Almatyǵa bandıtter kirip kelgende, eshteńeden habary joq turǵyndar balkondarynan olarǵa qoshemet kórsetken. Osyndaı da sátter bolǵan. Mine jaraısyńdar, kóshege shyǵyp, bılikke narazylyq tanytyp jatyrsyńdar degen. Bul turǵyndar keıin ne bolatynyn, bul bandıtter búkil Almatyny tas-talqan etetinin bilmedi», - dedi Q. Toqaev.
