Almatyǵa baqyt izdeýshiler keldi

Y. Qyrkúıektiń 23-i. QazAqparat /Ádilet Musahaev/ - Almatyǵa halyqaralyq «Ekspedıtsııa 206» saıahatshylary keldi. Bul jaıynda búgin arnaıy ótken baspasóz máslıhatynda málim boldy, dep habarlaıdy QazAqparat.

206 elge saıahat jasaý «Coca-Cola» kompanııasynyń bastamasymen 2010 jyldyń 1-shi qańtarynda Ispanııanyń Madrıd qalasynan bastalǵan. Saıahatshylar ár elge barǵanda ol memlekettiń jastary árbir kúndi qandaı kóńilmen qarsy alatyndyǵyn jáne adamdarǵa qýanyshty qalaı syılaıtyndyǵyn anyqtaıdy.

«Ekspedıtsıı 206» quramynda Tonı Martın AQSh-tan, Kellı Ferrıs Belgııadan jáne meksıkalyq Antonıo Santıago syndy úsh jas bar. Bul "Baqyt izdeýshi" komandany jankúıerler álemdik on-laın júıesimen daýys berý arqyly tańdap alǵan. Olar bir jylda álem boıynsha 275 000 mıl júrip ótip, 206 elden baqyt izdep shyǵady.

Saıahatshylar 156 elde bolyp, Vankýverdegi Qysqy Olımpıada oıyndary, Ońtústik Afrıkadaǵy fýtboldan Álem kýbogyna jáne Shanhaıdaǵy «WorldExpo 2010» sııaqty halyqaralyq mańyzdy sharalarǵa qatysqan.

Ekspedıtsııa múshesi Tonı Martınniń aıtýynsha olar Almatydaǵy jurtshylyqtyń kóp júretin oryny Arbatta bolmaq. "Biz halyqpen tildesý barysyndaǵy máseleden esh qınalmaımyz. Ózim tórt tilde sóıleı alam, sondaı-aq orys tilinde de", deıdi T.Martın.

Jastar Almatyda erteńge deıin bolady. Jalpy ekspedıtsııa 2010 jyldyń 31-shi jeltoqsanynda AQSh-tyń Atlanta qalasynda aıaqtalady.