Almatyǵa aı saıyn 250 myń doza vaktsına bólinedi - Baqytjan Saǵyntaev
ALMATY. QazAqparat - Almaty ákimi Baqytjan Saǵyntaev onlaın brıfıng barysynda qalaǵa vaktsınany jetkizý josparlary týraly aıtty, dep habarlaıdy QazAqparat tilshisi.
«Biz vaktsınatsııany bastaımyz. Keshe qalaǵa 21 850 doza vaktsına jetkizildi. Búgin tańerteń bizdiń barlyq klınıkalarda jumys bastaldy. Jalpy, bizge bastapqyda kvota boıynsha 65 myń doza berildi. Men Premer-Mınıstrmen sóılestim jáne halyqtyń tyǵyzdyǵy men jaǵdaıdy eskere otyryp, bizge kem degende 100 myń doza qajet ekenin aıttym. Keshe Memleket basshysymen ótken kezdesýden keıin Premer-Mınıstrmen taǵy birneshe ret kelissózder júrgizdik, ol Densaýlyq saqtaý mınıstrine úsh aı ishinde aı saıyn Almatyǵa 250 myń doza kvota bólýdi tapsyrǵanyn aıtty. Bul sáýir, mamyr, maýsym aılary», - dedi Almaty qalasynyń ákimi Baqytjan Saǵyntaev.
Ákimniń aıtýynsha, bul óte jaqsy kólem. Ujymdyq ımmýnıtetti qalyptastyrý úshin 900 myń doza vaktsına qajet.
