Almatyǵa Aýǵanstannan kelgenderdiń PTR-taldaý nátıjesi belgili boldy

ALMATY. QazAqparat - Qazaqstanǵa Aýǵanstannan kelgen barlyq adam koronavırýsqa PTR test tapsyrdy. Bul týraly Almaty qalasy Sanıtarlyq-epıdemıologııalyq baqylaý departamenti málim etti, dep habarlaıdy QazAqparat tilshisi.

Ulttyq saraptama ortalyǵy málimetinshe, Kabýldan kelgen Qazaqstan azamattary men BUU qyzmetkerleri arasynan PTR-synamasy oń nátıje kórsetkeni joq.

Aıta keteıik, 19 tamyzda Kabýldan Almatyǵa 2 reıs keldi. Alǵashqy reıspen 27 Qazaqstan azamaty (onyń ishinde 6 bala) jáne 15 Qyrǵyzstan azamaty keldi, olar áýejaıdan birden eline ketti. Shera Inn qonaqúıine Qazaqstannyń 27 azamaty ornalastyryldy.

Ekinshi reıspen BUU dıplomatııalyq mıssııasynyń 135 múshesi keldi, olardyń arasynda Aýǵanstan azamattary joq. Olar Rixos qonaqúıine toqtady.

22 tamyzda Kabýldan Almatyǵa 108 adam keldi, olardyń barlyǵy BUU dıplomatııalyq mıssııasynyń músheleri. Olar Intercontinental qonaqúıine ornalastyryldy.