Almatyǵa altyn kúz keldi
ALMATY. QazAqparat - Kúzgi jaýyn-shashyn, burshaq pen alǵashqy qar. Bul búgin almatylyqtar kýá bolǵan kórinister. Aldaǵy kúnderi megapolıstegi kún raıyna qatysty boljamdy QazAqparat tilshisi anyqtap bildi.
Tańerteń uıytqyǵan jel soǵyp, túske sheıin jaýyn jaýdy. Tústen keıin jańbyr kúsheıe tústi. Taýly aımaqtaǵy turǵyndarynyń aıtýynsha, onda burshaq jaýyp arty qarǵa ulasqan.
Sınoptıkterdi boljaýynsha, óńirde altyn kúz bastalǵan jáne mundaı tabıǵat qubylysy 15 qazanǵa deıin sozylady. Bul ýaqytta qys aldyndaǵy sońǵy burshaqtar jaýady.
Erteń, 25 qyrkúıekte qalada aspan ashyq, sonymen qatar apta sońyna deıin kún jyly. Aýa temperatýrasy +18 - +23 gradýs shamasynda bolady.
