Almatyǵa álemniń eń úzdik dzıýdoshylary jınalady
ALMATY. 4 qańtar. QazAqparat /Erlik Erjanuly/ - Almatyda 14 - 15 qańtar kúnderi dzıýdodan "Álemdik sheberler" (TOR-16) halyqaralyq týrnıri ótedi.
Balýan Sholaq atyndaǵy sport saraıynda bolatyn bul dúbirli dodaǵa 40-tan astam eldiń sportshylary shaqyrylyp otyr. Halyqaralyq dzıýdo federatsııasynyń qoldaýymen bıyl 3-ret uıymdastyrylyp otyrǵan bul halyqaralyq týrnırge álemdik reıtıngtiń úzdikteri ǵana qatysady. Onda Londonda ótetin Jazǵy Olımpıada oıyndaryna qatysýǵa múmkindik beretin upaılar sarapqa salynady.
Júlde qory 200 myń AQSh dollaryn quraıtyn bul baıraqty básekede jeńimpaz 6000 dollar men álemdik reıtıngte 400 upaıǵa ıe bolady. Kúmis júldeger 4000 dollar men 240 upaıǵa, al qola júldegerler 2000 dollar men 160 reıtıngtik upaıdy óz qorjyndaryna salady.
