Almatyǵa álemniń 20 elinen trıatlonshylar keledi
ALMATY. QazAqparat -4- 5 tamyz aralyǵynda Almatyda alǵashqy ret trıatlonnan Azııa kýbogy ótedi. Saryqurlyq básekesine 20 elden kelgen sportshylar qatysady, dep habarlaıdy QazAqparat tilshisi aqparattyq-sporttyq habqa sidteme jasap.
«Bizdiń qala osyndaı sharalar uıymdastyrýdan tájirıbesi mol. Aldaǵy trıatlonnan Azııa kýbogy barlyǵyna jaqsy áser qaldyryp, qonaqtarǵa jaqsy kóńil kúı syılaıdy dep oılaımyz. Eki kún boıy sport súıer qaýym úzdik trıatlonshylardyń jarysyn tamashalaı alady», - dedi óz sózinde Almaty qalasy Dene shynyqtyrý jáne sporttaǵy joǵary jetistikter bóliminiń basshysy Álııa Smaqova.
Onyń aıtýynsha jarysqa oraı qala ákimdigi arnaıy «Saıran» kóliniń jaǵalaýyna tazalyq jumystaryn júrgizdi.
«Azııa kýbogy aldynda qala ákimdigi «Saıran» kóliniń jaǵalaýyna tazalyq jumystaryn júrgizip, 5 shaqyrym qashyqtyqty quraıtyn velojolaqtar salyndy. Osynyń barlyǵyqala turǵyndary men qonaqtardyń sportpen aınalysýǵa múmkindik berip, salaýttyómir saltyn ustanýǵa jaǵdaı jasalýda, - dedi Álııa Smaqova.
Aıta keter jaıt, Azııa kýbogy Almatyda eki kún boıy Saıran kólinde tańǵy saǵat 8-den bastalady. Birinshi kúni kásipqoı trıatlonshylar ó jarys jolyna shyqsa, ekinshi kúni 150-den astam áýesqoı sportshylar ózara myqtyny anyqtaıdy.
