Almatyǵa álemdik úzdik tehnologııalardy tartý qajet - Baýyrjan Baıbek
Kezdesý barysynda IFC qalanyń ınfraqurylymdyq jańǵyrýy men halyqaralyq nesıe reıtıngin qalyptastyrý týraly keńes berý týraly ýaǵdalastyqqa qol jetkizdi.
Almaty ákimi ekonomıkalyq ósimniń 3,9%-ǵa jetkenin aıtty. Bul kórsetkish halyq sanynyń ósýinen alda kele jatyr. ıAǵnı, jan basyna shaqqandaǵy jalpy aımaqtyq ónim artty. Bolashaqta bul kórsetkishti 5%-ǵa arttyrý kózdelgen.
«Bul úshin ınvestıtsııa kólemin arttyryp, álemdik úzdik tehnologııalardy tartý qajet. Osy maqsatta biz IFC, Eýrazııalyq qaıta qurý jáne damý banki, Búkilálemdik bank sekildi halyqaralyq qarjy ınstıtýttarymen birlese jumys jasap jatyrmyz. Qazir qalanyń nesıe reıtıngin qalyptastyrý máselesi sheshilip jatyr. Ońtaıly sheshim shyqsa, qalaǵa uzaq merzimdi ınvestıtsııa tartýǵa múmkindik týady. Osynyń arqasynda birqatar ınvestıtsııalyq jobalardy júzege asyrýǵa bolady. Atap aıtqanda, eski úılerdi qaıta jańǵyrtý baǵdarlamasynyń ınvestıtsııalyq áleýeti 410 mlrd teńge bolyp tur. 1,2 mln sharshy metr turǵyn úı salynýy tıis. Bul jumysqa 16 myń adam tartylady. Elbasynyń «Qarapaıym zattar ekonomıkasy» ımporttyń ornyn basý baǵdarlamasynyń údesinen shyǵady. Biz ózimizde kóp taýar shyǵara alamyz. Múmkindik ushan teńiz. Almatyda ımport sońǵy 11 aıda 3,7 trln teńge bolǵan. Tym bolmasa 10 paıyzyn aýystyrsaq 50 myń adamdy jumyspen qamtýǵa bolady», - dedi Baýyrjan Baıbek.
Qala basshysy IFC-tiń álemde memlekettik-jekeshelik áriptestik aıasynda kelisimderdi rásimdeýde tájirıbesi moldyǵyn aıtty.
Almatyda qazir iri ınvestıtsııalyq jobalar júzege asyp jatyr. Bul jobalarǵa sheteldik ınvestıtsııa kerek. Mundaı jobalardyń biri - LRT júıesiniń qurylysy.
IFC osy jobalarǵa saraptama júrgizetin bolsa jobalardyń ınvestıtsııalyq tartymdylyǵy arta túspek.
Djordjına Beıker eki jaqty kelisimniń Almaty qalasynyń Ortalyq Azııadaǵy bedelin arttyrýǵa septigin tıgizetinin aıtty.
Onyń aıtýynsha, IFC Qazaqstandaǵy strategııasy ınfraqurylymǵa qoljetimdilikti arttyrýǵa, ekonomıkany ártaraptandyrý, básekege qabilettiligin arttyrýǵa, qarjylyq sektordy kúsheıtýge, shaǵyn jáne orta bıznesti qoladýǵa baǵyttalǵan.
Bul korporatsııa osy baǵytta memlekettik organdar men korporatsııalarǵa, MJÁ aıasyndaǵy áriptestikti arttyrý týraly keńestik qyzmet kórsetedi.
Aıta ketý kerek, búginde Almaty elimizdiń qarqyndy damyp kele jatqan qalasy. El JІÓ 5/1-i - Almatynyń enshisinde.
2014 jyly ınvestıtsııa kólemi 5%-ǵa tómendese, byltyr - ınvestıtsııa kólemi 10,5%-ǵa artty. Qalanyń damýyna tartylǵan ınvestıtsııa kólemi 732 mlrd teńge boldy. Onyń ishinde 100 mlrd teńge kóleminde sheteldik ınvestıtsııa tartylǵan. Ekonomıkadaǵy ShOB úlesi - 42,4%-ǵa, salyqtaǵy úlesi 64%-ǵa artty.
