Almatyǵa 7-Qysqy Azııa oıyndarynyń alaýy keldi
ALMATY. 12 qańtar. QazAqparat - /Ádilet Musahaev/ - Búgin Almatyǵa 7-Qysqy Azııa oıyndarynyń alaýy keldi. Elimizge jetkizilgen alaý aldymen Almaty qalasynda tutanbaq. Osydan birer saǵat buryn Alaý kýbogyn qoǵam ókilderi qaladaǵy halyqaralyq áýejaıdan Almaty qalasynyń ákimi Ahmetjan Esimovtyń qatysýymen qarsy aldy.
Buryn habarlanǵandaı, alaý estafetasy saǵat 14.00-de Almatydaǵy halyqaralyq shańǵymen tuǵyrdan sekirý kesheninde bastaý alady. Ál-Farabı dańǵylynan bastalǵan estafeta Fýrmanov, Sátbaev, Baıtursynov kóshelerimen jalǵasyp, Abaı dańǵylynan Dostyq, Shevchenko, Qonaev, Qabanbaı batyr, Abylaıhan dańǵyldaryn basyp ótip, «Astana» alańynda aıaqtalady.
Baǵyttyń jalpy uzaqtyǵy - 11,7 shaqyrym, 80 adam alaý qutysyn alyp júredi. Olardyń ishinde qazaqstandyq boksshylar, 2010 jylǵy jazǵy Azııa oıynynyń qola júldegeri Saıda Hasenova, Qazaqstan Boks federatsııasynyń prezıdenti Tımýr Qulybaev, dopty hokkeıdiń ardageri Evgenıı Agýreev, olımpıada chempıondary Jaqsylyq Úshkempirov pen Olga Shıshıgına jáne taǵy basqa qoǵamǵa tanymal adamdar bar.
