Almatyǵa 300 jańa avtobýs satyp alynady
ALMATY. QazAqparat - Túrksib aýdanynyń turǵyndary Erbolat Dosaevpen kezdesýde avtobýs máselesin kóterdi, dep habarlaıdy QazAqparat tilshisi.
«Mektep, balabaqsha ornalasqan Magnıtnaıa kóshesi boıymen bir ǵana №74 avtobýs júredi, taǵy bir baǵyt qosýǵa bola ma?» dep surady aýdan turǵyndarynyń biri.
«Jyljymaly quramdy jańartyp jatyrmyz. 300 avtobýs satyp alamyz. Bul ýchaskeni ınterval boıynsha ólsheımiz. Qajet bolsa, marshrýtqa avtobýstar qosamyz», - dedi Erbolat Dosaev.
Qalalyq mobıldilik basqarmasy basshysynyń orynbasary Ernur Ábjahan №74 baǵyt keste boıynsha júretinin aıtty.
«Tasymaldaýshy – «Almatyelektrotrans», 10 jyljymaly quram qozǵalysty tolyǵymen qamtıdy. Qozǵalys aralyǵy - 12-15 mınýt», - dedi Ernur Ábjahan.
