Almatyǵa 2907 qoqys jáshigi qajet
ALMATY. 4 qazan. QazAqparat /Erbol Azanbek/ - Almatyǵa 2907 qoqys salatyn jáshik ornatý qajet. Bul týraly Almaty qalasynyń Tabıǵı resýrstar jáne tabıǵatty paıdalanýdy retteý basqarmasy habarlady.
Atalǵan basqarma qala aýdandarynyń qoqys jáshigine degen suranymyn anyqtaý maqsatynda zertteý júrgizgen. Nátıjesinde Alataý aýdanyna - 79; Áýezov aýdanyna- 554; Almaly aýdanyna - 539; Bostandyq aýdanyna - 700; Jetisý aýdanyna -701; Medeý aýdanyna - 77; Túrksib aýdanyna - 257 qoqys ýrnasy qajettigi anyqtaldy. Buǵan oraı basqarma qalalyq máslıhatqa osy qajettlikti óteý bıýdjetin bekitý týraly usynys jasady.
Basqarmanyń málimetinshe 2008 jyly Almatyda ornatylǵan 16 myń qoqys jáshiginiń búginde 60 paıyzdaıy ǵana qalǵan. Qalǵandary vandalızm aktilerine ushyrap, jaramsyz bolyp qalǵan, tipti keıbireýlerin turǵyndar jekeshelendirip alǵany málim bolyp otyr.
