Almatyǵa 2022 jylǵa deıin ınvestıtsııa tartýdyń strategııasy jasaldy
ALMATY. QazAqparat - Almatyda 2022 jylǵa deıin ınvestıtsııa tartýdyń strategııasy jasaldy, dep habarlaıdy QazAqparat tilshisi qalalyq ákimdikke silteme jasaı otyryp.
Búgin Almaty ákimi Baýyrjan Baıbektiń basshylyǵymen ınvestorlar tartý men ınvestıtsııalyq ahýaldy jaqsartý jóninde keńes ótti. Keńes quramynda halyqaralyq qarjy uıymdarynyń, sheteldik kompanııa qaýymdastyqtary men konsaltıng jáne zań kompanııalary ókilderi men iri sheteldik jáne qazaqstandyq kásipkerler endi.
Jıyn barysynda 2022 jylǵa deıin ınvestıtsııa tartý strategııasynyń jobasy talqylandy. Qujat Ulttyq ınvestıtsııalyq strategııa men «Almaty-2020» damý baǵdarlamasyna saı jasalǵan.
Investıtsııa tartý salasyndaǵy atqarylǵan birqatar jumystardy qorytyndylaı kelip, qala ákiminiń orynbasary Almas Mádıev bıylǵy jyldyń 9 aıy ishinde ınvestıtsııa 13%-ǵa ósip, 400 mlrd teńgeni quraǵanyn, syrtqy ınvestıtsııanyń 23,5%-ǵa artqanyn, jeke ınvestıtsııalar úlesiniń 78%-ǵa jetip, 17%-ǵa ulǵaıǵanyn aıtty.
«Bıznesti damytýdyń basty sharty - turaqty ınfraqurylymdy qalyptastyrý. Osy oraıda, Almatyda Indýstrıaldy aımaq jumys isteıdi, munda óńdeýshi óndiris oryndary jeńildetilgen daıyn ınfraqurylymdardy paıdalana alady. Joǵary tehnologııalyq kompanııalar úshin «Innovatsııalyq tehnologııa parkiniń arnaıy ekonomıkalyq aımaǵy bar, munda rezıdentterge kedendik jáne salyqtyq jeńildikter beriledi. Almatyda ShOB-ke jeńildetilgen nesıe berý baǵdarlamasy boıynsha myńdaǵan jobalar qoldaý tabýda. Indýstrıalandyrý kartasyna 12 myń jumys ornyn ashatyn 100 joba engen. Sonymen qatar, qalanyń ınvestıtsııalyq tartymdylyǵyn jaqsartatyn strategııa da jasaldy», - dedi A.Mádıev.
Jıyn qorytynydysy boıynsha, Almatyǵa 2020 jylǵa deıin ınvestıtsııa tartýdyń strategııasy bekitildi.
