Almatyǵa 150 jańa avtobýs jetkiziledi
Almaty qalalyq mobıldilik basqarmasynyń málimetine sáıkes, megapolıske qarasha aıynyń sońynda gazben júretin 150 avtobýs jetkiziledi.
«Satyp alynatyn 12 metrlik «Golden dragon» markaly gazben júretin avtobýstardyń syıymdylyǵy úlken, tómen edendi jáne arnaıy qalalyq jolaýshylar tasymaly úshin jasalǵan. Zamanaýı standarttarǵa tolyq jaýap beredi, kondıtsıonerlermen ári vıdeobaqylaý kameralarymen jabdyqtalǵan. Syıymdylyǵy — 150 adam, otyratyn 30 oryn bar»,- dep habarlady basqarmadan.
Tasymaldaýshy kompanııa ókilderi atap ótkendeı, qazirgi kezde qalada 1932 avtobýs bar. Áli bir myńǵa jýyq avtobýs jetpeıdi.
Sonymen qatar, júrgizýshiler tapshy.
«Qazir avtobýstardy aıdaıtyn júrgizýshi bar, eger júrgizýshi jumystan ketetin bolsa, ornyna adam tabý qıyn»,- dep naqtylady kompanııadaǵylar.
Bul máseleni sheshý úshin basqarma men tasymaldaýshy kompanııalar keshendi jumys júrgizip jatyr.
