13:48, 15 Tamyz 2022 | GMT +6
Almatyǵa 13 myń lıtrden astam alkogol Reseıden zańsyz ákelingen
ALMATY. QazAqparat – Almatyda Reseı Federatsııasynan zańsyz jolmen tasymaldanǵan 13 myń lıtrden astam alkogol ónimi anyqtaldy, dep habarlaıdy QazAqparat tilshisi.
Almaty qalasy boıynsha memlekettik kirister departamentiniń dereginshe, kórshi elden tasymaldanǵan alakogoldiń 10 myń lıtrden astamy plastıkalyq ydysta saqtalǵan. Al, buǵan QR zańnamasyna sáıkes tyıym salynady. Sondyqtan, is quqyq qorǵaý organdaryna joldandy.
«Tekseris kezinde kontrafaktilik alkogol ónimderin óndiretin tseh anyqtaldy. Onda arnaıy qurylǵy men spırt arqyly túrli ishimdik daıyndalǵan. Alkogol ónimderiniń kóleńkeli aınalymy memleketke ǵana zııan keltirip qoımaı, halyqtyń densaýlyǵyna da aıtarlyqtaı áser etedi», - dep habarlady departamentten.
