Almatyǵa 1 mln-nan astam «Paratsetamol» jetkizildi – farmkompanııa
Búgin Saǵyntaevtyń basshylyǵymen ótken selektorlyq jıyn barysynda, «INKAR» JShS bas dırektory Álııa Erimbetova dárihanalar aldyndaǵy kezektiń ne sebepti paıda bolǵanyn túsindirdi.
«Kezekter bar, áleýmettik qashyqtyqty saqtaý kerek ekenin eskere otyryp, 20-25 adamnan artyq kirgizbeımiz. Naýqastar sany kóp, biraq biz jaǵdaıdyń túzelip kele jatqanyn baıqap otyrmyz. Almatyǵa taýar toqtaýsyz kelýde, «INKAR» JShS-na 1 mln astam «Paratsetamol» keldi. Júkti jóneltýge baılanysty adamı faktor turǵysynan úlken qıyndyqtar bar,soǵan qaramastan, qazir búkil keńse jumys istep tur», - dedi Álııa Erimbetova.
Onyń aıtýynsha, farmkompanııalar mundaı dúrligýdi kútken joq.
«Biz barlyq aýrýhanalardy taýarlarmen qamtamasyz etemiz, bazar mundaı suranysqa ıe bolmady, antıbıotıkter ádette tek retsept boıynsha satylǵan. Naýryz aıynan bastap aqparat quraldarynda kóptegen nárseler jazyldy, degenmen, el men qala basshylyǵy jaǵdaıdy sheshýge, jeńýge óte múddeli dep sanaımyn, ol úshin kóptegen durys qadamdar jasaldy. Biz ushaqtardy aqysyz jetkizý uıymyn kútemiz - endi jetkizýshini tańdaý qalady. Qazir úkimet bárine qolaıly bolý joldaryn qarastyrýda - barlyq múmkin nárseni tezdetip, jeńildetýde. Óz kezeginde, óndirýshiler halyq úshin ótkizý júıesi jolǵa qoıylǵan eski kompanııalardyń jetkizýine basymdyq bered», - dep atap ótti ol.
Sonymen qatar, ol dárihanalarda koronavırýs pandemııasyn eskere otyryp, halyq arasynda eń tanymal 41 dári-dármektiń bar ekendigi týraly túsindirdi.
«Bir aptanyń ishinde deksametazon men eń tapshy ónimderge degen shıelenis azaıady», - dedi Álııa Erimbetova.
